کابل ښوونې او روزنې پوهنتون رئیس د غالب خصوصي پوهنتون له مسؤولینو سره لیدنه وکړه!
دوشنبې ورځ د ٩/٨/۱۴۴۵ هـــ.ق. چې له ٣٠/١١/١٤٠٢ه.ش نېټې سره سمون لري د کابل ښوونې او روزنې پوهنتون رئیس ښاغلي شیخ الحدیث مولوي سید بشیرآغا "هاشمي" د غالب خصوصي پوهنتون له مسؤولینو سره په خپل کاري دفتر کې لیدنه وکړه.
په لومړي سر کې، د پوهنتون رئیس ښاغلي شیخ الحدیث مولوي سید بشیر آغا "هاشمي" د غالب پوهنتون مسؤولینو ته د ښه راغلاست ترڅنګ، وویل: خوښ یم چې کابل ښوونې او روزنې پوهنتون ته مو تشریف راوړ او له مسؤولینو سره یې د پوهنتون اړونده پوهنځیو، استادانو، ماسترۍ برنامو، دوکتورا برنامې، کتابتون او لابرتوارونو په هکله اړین معلومات شریک کړل.
وروسته، د غالب پوهنتون مسؤولینو د یادې غونډې اړوند وویل: خوښ یو چې کابل ښوونې او روزنې پوهنتون ته راغلو او هیله لرو چې راتلونکي کې د دواړو پوهنتونونو تر منځ د دوه ارخیزو همکاریو تفاهمنامه لاسلیک شي.
د غونډې په جریان کې د دواړو طرفو لخوا د هېواد په تعلیمي او تحصیلي برخو بحث او خبرې وشوې.
غونډه د خیر دعا په ویلو سره پای ته ورسېده.
