کابل ښوونې او روزنې پوهنتون اداري شورا غونډه ترسره شوه!
دوشنبې ورځ د ۲۷/۱۲/۱۴۰۳ ه.ش چې له ۱۷/۹/١٤٤٦ ه.ق نېټې سره سمون لري د کابل ښوونې او روزنې پوهنتون اداري شورا غونډه د پوهنتون رئیس، معاونینو، پوهنځیو رئیسانو او اداري شورا غړو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې اداري شورا غړو ته د ښه راغلاست ترڅنګ، د پوهنځیو له رئیسانو منندویې وکړه چې خپل ګزارشونه یې ترتیب کړي او د اداري شورا له غړو سره یې شریکوي، زیاته یې کړه: د راتلونکې کال کاري پلانونه ترتیب کړئ، خپلو درسي تقسیم اوقاتونو مطابق تدریسي چارې پر مخ وړئ او کوښښ وکړئ چې په هره برخه کې د خپلو پوهنځیو اړوند نوښتونه رامنځته کړئ، همدارنګه یې ګډوونکونکو ته د ١٤٠٤ کال کاري پلانونو جوړولو، په منظمه توګه د تدریسي چارو مخته وړلو، استادانو کورس پالیسی او محصلینو حاضری ته د جدي توجه کولو اړوند اړینې سپارېښتنې وکړې.
وروسته، د کابل ښوونې او رونې پوهنتون رئیس او اداري شورا غړو په شتون کې د پوهنځیو رئیسانو د ١٤٠٣ کال د څلورمې ربعې د خپلو پوهنځیو اړوند د لاسته راوړنو، فعالیتونو او نوښتونو ګزارشونه له ګډوونکونکو سره شریک کړل.
غونډه د دعایې په ویلو سره پای ته ورسېده.
