د طبیعی علومو پوهنځی

تاریخچه

د طبعي علومو پوهنځۍ د ښوونې او روزنې پوهنتون یو له هغو کلیدي پوهنځیو څخه شمېرل کېږي، چې په ۱۳۶۱ کال کې جوړه شوې ده او اوسمهال پنځه دیپارتمنتونه لري.

موخې

طبعي علوم د بشر په ژوند کې یوه تر ټولو مهمه او اړینه برخه ده، چې باید پام ورته وشي. ساینس هغه علم دی چې د ژوند لوری بدلوي. که ژور فکر وکړو د بشر په ژوند کې به هېڅ داسې څه پیدا نه شي چې له ساینس سره تړاو ونه لري.

طبعي علوم د ښوونې د نصاب د پام وړ برخه ده. دا چې د طبیعي علومو پوهنځی د هېواد د ځوانو کدرونو او متخصصینو په روزلو  بوخته ده، نو دغه موخې تعقیبوي.

عمومي موخې

د لوړو زده کړو، درالمعلمینونواو ښوونځیو لپاره په معاصرې زدکړې د سمبالو او مسلکي ښوونکو روزل.

خصوصي موخې

۱- په تدریسي مهارتونو او د پوهې په ګاڼه سمبالو ښوونکو روزنه.

۲- پر څېړنیزو کارونو او لابراتوار باندې د قادرو ښوونکو روزل، دا ټول د دې  لپاره چې طبیعي علوم نور هم پرمختګ وکړي.

اوسنی حالت

اوسمهال د طبعي علومو پوهنځۍ په دوو برخو کې خپل علمي فعالیتونه تر سره کوي.

۱-  د پري سروېس، په خدمت کې داخل او شپې لپاره د علم په ګاڼه د سمبالو، د تدریس د مهارتونو درلودونکو او له لابراتواري تجربو سره د اشنا ښووونکو روزنه.

۲-  د پوهنتون په ټولو (نه) پوهنځیو کې د محیط زیست د مضمون تدریس، چې په دې کې پري سروېس، داخل خدمت او شبانه هم راځي.

راتلونکی پلان

د طبعي علومو پوهنځی به په راتلونکې کې د لاندې پروګرامونو د تحقق لپاره هڅه وکړي.

۱- د دې پوهنځۍ د بېلا بېلو رشتو لپاره د ماسټرۍ پروګرام.

۲- او دغه راز د دې پوهنځۍ د بېلا بېلو رشتو لپاره د دوکترا پروګرم .