لوړو زده کړو وزارت قدرمن مالي او اداري چارو معین د کابل ښوونې او روزنې پوهنتون، پیل شویو پروژو څخه لیدنه وکړه!
چهارشنبې ورځ د ٢٨/٩/١٤٠٣ ه.ش چې له ١٦/٦/١٤٤٦ ه.ق نېټې سره سمون لري د لوړو زده کړو وزارت قدرمن معین صاحب ښاغلي حافظ حامد"حسیب" د کابل ښوونې او روزنې پوهنتون، پیل شویو پروژو څخه لیدنه وکړه.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې د لوړو زده کړو وزارت معین صاحب او راغلي پلاوي ته د ښه راغلاست ترڅنګ له ښاغلي معین صاحب څخه مننه وکړه، چې پوهنتون ته یې تشریف راوړ او له ښاغلي معین صاحب سره یې د پوهنتون پروژو(د پوهنتون سرکونو پروژې، د فامیلیانو او پوهنتون ترمنځ د دیوال جوړولو پروژې او د تجربوي بلاکونو د ترمیم پروژې) اړوند اړین معلومات شریک کړل، زیاته یې کړه: یادې پروژې روان کال پیل شوي دي چې د پوهنتون رهبرۍ په نه سټري کېدوونکو خدمتونو او د الله تعالی په مرستې سره به بشپرې شي.
همدارنګه، د لوړو زده کړو وزارت معین صاحب ښاغلي حافظ حامد"حسیب" پروژې له نږدې ولیدې او د پوهنتون له رهبرۍ څخه یې مننه وکړه، چې د هېواد بچیو لپاره خدمت ترسره کوي، زیاته یې کړه: د هېواد آبادول زمونږ او تاسو مسؤولیت دی او باید کوښښ وکړو چې په ګده سره هېواد آباد کړو او په هره برخه کې چې مسؤولیت راته سپارل شوی، په سمه توګه یې مخته یوسو.
