معین صاحب مالی و اداری وزارت تحصیلاتِ عالی از پروژه‌های آغازشده پوهنتون تعلیم و تربیه کابل دیدن کرد!
روز چهارشنبه مؤرخ ۲۸/۹/۱۴۰۳ه.ش مطابقِ۱۶/۶/۱۴۴۶ ه.ق معین صاحب مالی و اداری وزارت تحصیلاتِ عالی از پروژه‌های آغازشده پوهنتون تعلیم و تربیه کابل دیدن کرد!
در آغاز، محترم شیخ الحدیث سید بشیر آغا "هاشمی" رئیس پوهنتون تعلیم و تربیه کابل ضمن خوش آمدید گویی از معین صاحب تشکری نمودند که به پوهنتون تشریف آوردند و با معین صاحب راجع به پروژه‌های(ساخت سرک‌های داخلی پوهنتون، احاطه دیوار بین فامیلیان و پوهنتون و ترمیم بلاک‌های تجربوی) معلومات همه‌جانبه را شریک ساخته، افزودند: پروژه‌های فوق سال روان آغاز گردیده که با زحمات بیشتر رهبری پوهنتون و با کمک خداوند متعال به زود‌ترین فرصت تکمیل خواهند گردید.
همچنان، محترم حافظ حامد "حسیب" معین صاحب مالی و اداری وزارت تحصیلاتِ عالی، بعد از دیدن پروژه‌ها از رهبری پوهنتون تعلیم و تربیه کابل تشکری نمودند که برای فرزندان کشور خدمت می‌نمایند، افزودند: آباد کردن کشور مسوولیت ما و شما بوده و باید کوشش نماییم تا یکجا باهم دیگر کشور خود را بسازیم و در هر بخش که مسوولیت داریم، به درستی انجام دهیم.
