د کابل ښوونې او روزنې پوهنتون رئیس د P.T.S سازمان مسؤولینو سره لیدنه وکړه!
دوشنبې ورځ د ٢٢/٨/۱۴۰۲/ هــ.ش چې له ٢٨/٤/١٤٤٥ هـــ.ق نېټې سره سمون لري د کابل ښوونې او روزنې پوهنتون رئیس د (P.T.S (PINNACLE TEACHING SOLUTIONS)) سازمان مسؤولینو سره لیدنه وکړه.
په یاده غونډه کې د کابل ښوونې او روزنې پوهنتون رئیس، علمي چارو مرستیال او تحقیاتو او مجلې مرستیال او د یاد سازمان مسؤولینو ګډون درلود.
په پیل کې د سازمان رئیس ښاغلي دیوید آلن لندسي” په خپلو خبرو کې وویل: چې یاد سازمان له (۴۰) کالو راپدې خوا د استادانو ظرفیت لوړوالي په برخه کې په آسیایي هېوادونو کې فعالیت لري او د نوموړي سازمان عمده اهداف د استادانو ظرفیت لوړوالي لپاره د انګلیسي ژبې مهارتونو او د تدریس په برخه کې د لنډ مهالو سیمینارونو برابرول دي، ترڅو د زده کړییزه موادو ښه والي، د زده کړې وړاندې کولو او د تدریس روېشونو لوړوالي لپاره کار وشي، زیاته یې کړه چې غواړو راتلونکې کال د ثور او جوزا میاشت کې په یادو برخو کې سیمینارونه دایر کړو.
وروسته د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د غونډې ګډوونکوونکو ته د ښه راغلاست تر څنګ د یادو سیمینارونو په دایرېدو خوښي څرګنده کړه، زیاته یې کړه: د کابل ښوونې او روزنې پوهنتون رهبري د یادو سیمینارونو په دایرېدو کې پوره همکاري کوي.
د یادولو وړ ده چې یاد سازمان د روان کال په جوزا میاشت کې هم استادانو ته سیمینارونه دایر کړي وو.
