کابل ښوونې او روزنې پوهنتون د محصلانو چارو معاونیت اړوند د مشاورې مرکز لخوا محصلینو ته د (پېژندنې-رفتاري درملنې اساساتو او اصولو) ترسرلیک لاندې یو میاشتنۍ ورکشاپ پای ته ورسېد!
یکشنبې ورځ ٢٥/٧/١٤٤٦ هــ ق چې له ٧/١١/١٤٠٣ ه.ش نېټې سره سمون لري د کابل ښوونې او روزنې پوهنتون د محصلانو چارو معاونیت اړوند د مشاورې مرکز لخوا محصلینو ته د (پېژندنې-رفتاري درملنې اساساتو او اصولو) ترسرلیک لاندې یو میاشتنۍ ورکشاپ پای ته ورسېد.
غونډه د قرآنکریم د څو مبارکو آیتونو په تلاوت سره د کابل ښوونې او روزنې پوهنتون رئیس، محصلانو چارو مرستیال، پوهنځيو رئیسانو، استادانو، اداري آمرینو او محصلینو په ګډون پیل شوه.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیرآغا"هاشمي" د غونډې ګډوونکونکو ته د ښه راغلاست ترڅنګ، له ټولو مسؤولینو او استادانو څخه چې یادې برنامې کې زیار او زحمت ایستی وو منندویي وکړه، زیاته یې کړه: قدرمنو محصلینو! تاسو د هېواد راتلوونکي یاستئ، خپلو درسونو ته توجه وکړئ او کوم فرصت چې درکړل شوی له هغه څخه په سمه توګه ګټه پورته کړئ او خپلې ټولنې ته د علم له لارې د خدمت جوګه وګرځئ.
وروسته، د محصلانو چارو مرستیال ښاغلي مولوي رحمان ګل "وثیق" په بریالیتوب سره د یادې برنامې پای ته رسېدلو اړوند هراړخیزې خبرې وکړې او محصلینو ته یې د پوره همکارۍ ډاډ ورکړ، زیاته یې کړه: راتلوونکي کې داسې نورې برنامې هم دایریږي، هیله لرو چې محصلین ټولو برنامو کې ګډوون وکړی.
وروسته له مقدماتي خبرو، د یادې برنامې استاد ښاغلی پوهنیار صفي الله "محمدي" چې یادې برنامې کې یې ونډه درلوده او زیار یې ایستی وو او د یادې برنامې محصلین د ستاینلیکنو او مختلفو جوایزو په ورکړې سره وستایل شول.
غونډه د خیر دعا په ویلو سره پای ته ورسېده.
