کابل ښوونې او روزنې پوهنتون درې تنو استادانو علمي کنفرانسونه ارائه کړل!
دوشنبې ورځ ٢٨/٦/١٤٤٦ هــ ق چې له ١٠/١٠/١٤٠٣ ه.ش نېټې سره سمون لري د کابل ښوونې او روزنې پوهنتون کابل ښوونې او روزنې پوهنتون درې تنو استادانو ښاغلي پوهاند دوکتور محمد مزمل "اسلامي" د (په قرانکریم کې د ښځو پر وړاندې د نارینه وو د برتري څېړنه او د مستشرقینو د شکونو ردول)، ښاغلي پوهاند عبدالحنان"حقیار" د (د کابل ښوونې او روزنې پوهنتون د محصلینو تر منځ د ټولنیز ملاتړ او فشار تر منځ د اړیکو څېړنه) او ښاغلي پوهنمل خواجه محمد سلیم"صدیقي" د (د بدني روزنې تحصلي نصاب پروګرام څخه د بدني روزنې د محصلینو او فارغانو د رضایت کچې څېړنه) ترسرلیکونو لاندې علمي کنفرانسونه ارائه کړل.
غونډه د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیرآغا "هاشمي" د غونډې ګډوونکونکو ته د ښه راغلاست ترڅنګ، له ټولو استادانو څخه چې علمي کنفرانسونه ارائه کوي منندویي وکړه، زیاته یې کړه: قدرمنو استادانو! تاسو د هېواد مهمه برخه یاستئ، خپلو څېړنو ته ادامه وکړئ او کوم فرصتونه چې درکړل شوي له هغه څخه په سمه توګه ګټه پورته کړئ او د خپل مسلک مطابق د هېواد اولادونو ته خدمت وکړئ.
وروسته له مقدماتي خبرو، د استادانو لخوا لیکل شوي علمي کنفراسونه د پوهنتون رئیس، معاونینو او استادانو په حضور کې ارائه شول.
غونډه د خیر دعا په ویلو سره پای ته ورسېده.
