کابل ښوونې او روزنې پوهنتون اداري(رهبري) شورا غونډه ترسره شوه!
یکشنبې ورځ د ٢٥/٩/١٤٠٣ ه.ش چې له ١٣/٦/١٤٤٦ ه.ق نېټې سره سمون لري د کابل ښوونې او روزنې پوهنتون اداري(رهبري) شورا غونډه د پوهنتون رئیس، معاونینو، پوهنځیو رئیسانو او اداري شورا غړو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې د ښه راغلاست ترڅنګ یې د اداري شورا غړو ته په شفافه او منظمه توګه د لېسانس او ماسټرۍ برنامو د ازموینو اخیستلو اړوند اړینې سپارېښتنې وکړې، زیاته یې کړه: دا چې د روان کال تدریسي بهیر پای ته رسیږي، کوښښ وکړئ چې محصلینو ظرفیت لوړاوي برخه کې لنډمهاله ښوونیز کورسونه، علمي سیمینارونه او ورکشاپونه دایر کړئ، همدارنګه یې د استادانو علمي مقالو، کنفراسونو ارزښت، ماسټرۍ برنامو ازموینو کې د نظم او ډسپلین شتون او ماسټرۍ برنامې لپاره د لارښود استاد ټاکلو اړوند هراړخیزي خبرې وکړې.
د غونډې په جریان کې د پوهنتون اداري(رهبري) شورا غړو د لاندې موضوګانو اړوند:
د محصلانو ظرفیت لوړاوي لپاره د لنډ مهاله شوونیزو کورسونو، علمي سیمینارونو او ورکشاپونو دایرېدلو، د عقیدې او د حدیث او علوم حدیث ماسټرۍ برنامو تأییدي، د ماسټرۍ برنامو د ازموینو اخیستلو او په ټاکلي وخت فوق لېسانس برنامې ته د شقو تسلیمېدو، د فوق لېسانس برنامې لپاره د لارښود استاد ټاکلو او نورو متفرقه موضوګانو اړوند بحث او خبرې وشوې چې د اداري شورا غړو لخوا تأیید شوې.
غونډه د دعایې په ویلو سره پای ته ورسېده.
