کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د اجتماعي علومو پوهنځي د تاریخ څانګې له استادانو سره غونډه ترسره کړه!
سې شنبې ورځ د ١/٨/١٤٠٣ هـ.ش چې له ١٩/٤/١٤٤٦ هـ.ق نېټې سره سمون لري د کابل ښوونې او روزنې پوهنتون رئیس د اجتماعي علومو پوهنځی د تاریخ څانګې له استادانو سره غونډه ترسره کړه.
غونډه د قرانکریم د څو مبارکو آیاتونو په تلاوت سره د پوهنتون رئیس، اجتماعي علومو پوهنځي رئیس او تاریخ څانګې استادانو په ګډون پیل شوه.
لومړۍ، کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، وویل: خوښ یو چې له تاسو سره غونډه کې ګډوون کوو، یاده غونډه مو د استادانو نظرونو او وړاندیزونو اورېدلو په پار نیولې ده.
ښاغلي “هاشمي” د تاریخ څانګې له استادانو څخه د بامیانو ولایت ته چې د تاریخ څانګې محصلین د سیر علمي په پار تللي ول، ګزارش واخیسته او استادانو د محصلینو د تجاربو اړوند د پوهنتون له رئیس سره مکمل معلومات شریک کړل، همدارنګه ښاغلي "هاشمي" استادانو ته د محصلینو لپاره د نورو علمي سفرونو وعده ورکړه او استادانو ته یې د محصلینو فکري روزنې، د افغانستان له تاریخي اشخاصو څخه د محصلینو پېژندنې، د افغانستان تاریخ او تاریخي ځایونو اړوند محصلینو ته د ورکشاپونو دایرېدلو، په تدریسي چارو کې د ستونزو حل او د پوهنتون اصولو او مقرراتو مطابق د تدریسي چارو مخته وړلو اړوند اړینې سپارښتنې وکړې.
د غونډې په پای کې ښاغلي "هاشمي" د استادانو د نظرونو او وړاندیزونو له اورېدلو وروسته، د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
