کابل ښوونې او روزنې پوهنتون علمي شورا غونډه ترسره شوه!
دوشنبې ورځ د ۱/۸/١٤٠٢ه.ش چې له ۷/۴/١٤٤٥ ه.ق نېټې سره سمون لري د کابل ښوونې او روزنې پوهنتون علمي شورا غونډه د پوهنتون رئیس، معاونینو، پوهنځیو رئیسانو او استادانو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې د کابل ښوونې او روزنې پوهنتون رئیس ښاغلي شیخ الحدیث مولوی سید بشیر آغا "هاشمي" په خپلو خبرو کې د علمي شورا غړو ته د ښه راغلاست ترڅنګ، د اداري سلسله مراتبو رعایت کولو، د معاونیتونو او پوهنځیو ترمنځ همغږۍ او د محصلینو نظم او دسپلین اړوند خبرې وکړې، همدارنګه یې د لیسانس دورې پایلیکونو او ماسټرۍ برنامو تېزس اړوند استادانو ته اړینې سپارښتنې وکړې.
وروسته د علمي چارو مرستیال ښاغلي پوهاند دوکتور جمشېدخان "رشیدي" د(علمي تحقیقاتو انسجام مرکز، مجلې، فوق لېسانس برنامو او د استادانو د ترفېع او تقرر) آمریتونو د ١٤٠٢ کال دوه ربعو ګزارش د علمي شورا غړو ته وړاندې کړ، چې د علمي شورا لخوا تأیید شو.
د غونډې په جریان کې د پوهنتون علمي شورا غړو د لاندې موضوګانو اړوند بحث او خبرې وکړې:
د ماسټرۍ برنامو ایجادولو، د استادانو اسنادونو ثبت لپاره معلوماتي سیسټم ایجادولو او د خزاني سمسټر وروستنۍ آزموینو اخیستلو، اړوند
بحث او خبرې وشوې چې د علمي شورا غړو لخوا تأیید شوې.
غونډه د دعایې په ویلو سره پای ته ورسېده.
