د کابل ښوونې او روزنې پوهنتون د ورزش کمېټې غونډه ترسره شوه!
پنج شنبې ورځ د ۱۶/۶/۱۴۰۲ هـ.ش چې له ۲۱/۲/۱۴۴۵ هـ.ق نېټې سره سمون لري د کابل ښوونې او روزنې پوهنتون ورزشي کمېټې غونډه د ښاغلي قاري شفیع الله "آخندزاده"، د لوړو زده کړو وزارت د خدماتو چارو محصلانو د ورزش عمومي مدیر، د بدني روزنې او ورزشي علومو پوهنځي استادانو، د کابل، طبي، البېروني او پولی تخنیک پوهنتونونو ورزشي مسؤولینو په حضور کې ترسره شوه.
غونډه د قرآنکریم د څو مبارکو آیاتونو په تلاوت سره پیل شوه.
لومړی د کابل ښوونې او روزنې پوهنتون د بدني روزنې او ورزشي علومو پوهنځي استاد ښاغلي پوهنوال غلام ولي "مبارز" د غونډې دایرېدو اړوند ګډونکوونکو ته معلومات ورکړل.
زیاته یې کړه، چې د یادې کمېټې د رامنځته کېدو هدف او موخه د مرکزي پوهنتونونو تر منځ د سیالیو رامنځته کول دي.
د غونډې په پای کې ښاغلی پوهنوال غلام ولي "مبارز" د کمېټې رئیس په توګه، ښاغلی قاری شفیع الله "آخندزاده"د کمېټې نظم او ډسپلین مسئول په توګه او ښاغلی عبدالرشید "سامع" د کمېټې منشي په توګه وټاکل شول.
غونډه د خیر دعا په ویلو سره پای ته ورسېده.
