کابل ښوونې او روزنې پوهنتون نویو ګومارل شویو کارمندانو ته د لوړو زده کړو وزارت د ښوونې او ظرفیت لوړونې آمریت لخوا (په اداري چارو کې د کمپیوټر څخه د ګټه اخیستلو) ترسرلیک لاندې ورکشاپ پیل شو!

دوشنبې ورځ ٢٦/٢/١٤٤٦ هــ ق چې له ٥/٦/١٤٠٣ ه.ش نېټې سره سمون لري د لوړو زده کړو وزارت د ښوونې او ظرفیت لوړونې آمریت لخوا د کابل ښوونې او روزنې پوهنتون د بشري سرچینیو آمریت په همغږۍ د پوهنتون  نویو ګومارل شویو کارمندانو ته (په اداري کارونو کې د کمپیوټر څخه د ګټه اخیستلو) تر سرلیک لاندې اووه ورځنی ورکشاپ د (مایکروسافت ورد، اکسل، انټرنټ او اېمېل) موضوعاتو کارولو اړوند، ورکشاپ د کابل ښوونې او روزنې پوهنتون سرپرست او مالي او اداري چارو مرستیال، لوړو زده کړو وزارت د ښوونې او ظرفیت لوړونې مسؤولینو، د پوهنتون اداري آمرینو او کارمندانو په ګډون پيل شو.

 ورکشاپ د قرآنکریم د څو مبارکو آیتونو په تلاوت سره پیل شو.

لومړۍ، د کابل ښوونې او روزنې پوهنتون سرپرست او مالي او اداري چارو مرستیال ښاغلي مولوي حضرت ولي"زبیر" د غونډې ګډوونکونکو ته د ښه راغلاست ترڅنګ، د یاد ورکشاپ ضرورتونو اړوند هراړخیزې خبرې ورکړې او کارمندانو ته یې د ورکشاپ څخه د پوره ګټه اخیستلو اړوند لازمې سپارېښتنې وکړې.

وروسته له مقدماتي خبرو، یاد ورکشاپ د اوو ورځو لپاره رسماً پیل شو.