کابل ښوونې او روزنې پوهنتون محصلینو ته "له کتابتون څخه د ګټې اخیستنې مکانیزم" ترسرلیک لاندې علمي سیمینار وړاندې شو!
چهارشنبې ورځ د ٢٢/٣/١٤٤٦ ه.ق چې له ٤/٧/١٤٠٣ ه.ش نېټې سره سمون لري د کابل ښوونې او روزنې پوهنتون محصلانو چارو معاونیت لخوا، محصلینو ته "له کتابتون څخه د ګټې اخیستنې مکانیزم" تر سرلیک لاندې علمي سیمینار وړاندې شو.
غونډه د قرآنکریم د څو مبارکو آیاتونو په تلاوت سره د پوهنتون رئیس، محصلانو چارو او تحقیقاتو او علمي محلو مرستیالانو، اداري کارمندانو او محصلینو په ګډون پیل شوه.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیر آغا"هاشمي" په خپلو خبرو کې د محصلانو چارو معاونیت څخه مننه وکړه چې یاد سیمینار یې دایر کړ او محصلینو ته یې د کتابتون نظم او اصولو مراعات کولو، په آرامه فضا کې د مطالعې کولو، د مطالعې وخت پېژندلو، په خپلو تحصیلي رشتو کې د تحقیق په پار د کتابتون له کتابونو څخه ګټه اخیستلو او د مطالعې ارزښت او ګټو اړوند اړینې سپارېښتنې وکړې.
یاد سیمینار د ښاغلي مدیر صاحب عبدالرشید "سامع" لخوا محصلینو ته وړاندې شو.
په پای کې د محصلینو سوالونو ته د ښاغلي "سامع" لخوا قانع کوونکي ځوابونه ورکړل شول.
