کابل ښوونې او روزنې پوهنتون مالي او اداري چارو معاونیت د کارکوونکو چارو آمریت لخوا نویو ګومارل شویو اداري کارمندانو ته په" اداري کارونو کې له ورد، پاورپاینټ او انترنټ څخه د ګټې اخیستنې" ترسرلیک لاندې یو ورځنۍ روزنیز ورکشاپ دایر شو!
دوشنبې ورځ د ١٢/٧/١٤٤٦ ه.ق چې له ٢٤/١٠/١٤٠٣ ه.ش نېټې سره سمون لري د کابل ښوونې او روزنې پوهنتون مالي او اداري چارو معاونیت د کارکوونکو چارو آمریت لخوا نویو ګومارل شویو اداري کارمندانو ته په" اداري کارونو کې له ورد، پاورپاینټ او انترنټ څخه د ګټې اخیستنې" ترسرلیک لاندې یو ورځنۍ روزنیز ورکشاپ دایر شو.
ورکشاپ د قرآنکریم د څو مبارکو آیاتونو په تلاوت سره د مالي او اداري چارو مرستیال، اداري آمرینو، کارکوونکو چارو آمریت مسؤولینو او اداري کارمندانو په ګډون پیل شوه.
لومړۍ، د کابل ښوونې او روزنې پوهنتون د مالي او اداري چارو مرستیال ښاغلي مولوي حضرت ولي"زبیر" په خپلو خبرو کې د کارکوونکو چارو آمریت څخه مننه وکړه چې یاد سیمینار یې دایر کړو او نویو ګومارل شویو کارمندانو ته یې په اداري کارونو کې د کمپیوټر پروګرامونو او انترنټ ضرورتونو اړوند هراړخیزې خبرې وکړې، همدارنګه یې ګډونکونکو ته په دندو کې د صداقت، ایماندارۍ او ریښتینولۍ اړوند اړینې سپارېښتنې وکړې.
وروسته، د معلوماتي تکنالوژی آمر ښاغلي محمد منصور"واحدي" په خپلو خبرو کې د ورکشاپ ارزښت اړوند خبرې وکړې، زیاته یې کړه: قدرمنو همکارانو! مونږ او تاسو ته چې کوم مسؤولیت راسپارل شوی باید په سمه توګه یې اداء کړو او خپلو دندو ته زیاته توجه وکړو.
یاد ورکشاپ د معلوماتي تکنالوژۍ عمومي مدیر ښاغلي عبیدالله "حقمل" لخوا کارمندانو ته وړاندې شو.
