کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د تربیتي او مسلکي علومو پوهنځي له استادانو سره د کنفرانسو او سیمینارو ارائه کولو او خپلو اړونده رشتو کې د څېړنو ترسره کولو اړوند غونډه ترسره کړه!
یکشنبې ورځ د ٩/١٠/١٤٠٣ هـ.ش چې له ٢٨/٦/١٤٤٦ هـ.ق نېټې سره سمون لري کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د تربیتي او مسلکي علومو پوهنځي له استادانو سره د کنفرانسو او سیمینارو ارائه کولو او خپلو اړونده رشتو کې د څېړنو ترسره کولو اړوند غونډه ترسره کړه.
غونډه د قرانکریم د څو مبارکو آیاتونو په تلاوت سره د پوهنتون رئیس، تربیتي او مسلکي علومو پوهنځي رئیس او استادانو په ګډون پیل شوه.
لومړۍ، کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، وویل: یاده غونډه له استادانو سره، د وړاندیزونو او نظرونو اورېدلو او د ستونزو حل، تربیتي او مسلکي علومو پوهنځي ته د کمبودو وسایلو خریدارۍ، په تدریسي چارو کې د ستونزو حل او پوهنتون اصولو او مقرراتو مطابق د تدریسي چارو مخته وړلو په پار نیول شوې.
زیاته یې کړه: قدرمنو استادانو کوښښ وکړئ چې د ژمي په رخصتیو کې له فرصت څخه په ګټه اخیستنې سره سیمینارونه او کنفرانسونه دایر کړئ، په خپلو مطابقو رشتو کې ډېړې څېړنې وکړئ او د هېواد اولادونو ته په هره برخه کې د خدمت کولو جوګه وګرځئ.
ښاغلي "هاشمي" استادانو ته د پوهنځي کتابتون ته د اړینې توجو کولو، په تدریسي چارو کې د ستونزو حل او د پوهنتون اصولو او مقرراتو مطابق د تدریسي چارو مخته وړلو اړوند اړینې سپارښتنې وکړې.
د غونډې په پای کې ښاغلي "هاشمي" د استادانو د نظرونو او وړاندیزونو اورېدلو وروسته د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
