کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د اسلامي علومو پوهنځي له (٥٠) تنو استادانو سره د محصلینو لپاره د دیني کورسونو دایرولو په پار غونډه ترسره کړه!
کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د اسلامي علومو پوهنځي له (٥٠) تنو استادانو سره د محصلینو لپاره د دیني کورسونو دایرولو په پار غونډه ترسره کړه!
سې شنبې ورځ د ٢٧/٩/١٤٠٣ هـ.ش چې له ١٥/٦/١٤٤٦ هـ.ق نېټې سره سمون لري د کابل ښوونې او روزنې پوهنتون رئیس د اسلامي علومو پوهنځي له (٥٠) تنو استادانو سره د محصلینو لپاره د دیني کورسونو دایرولو په پار غونډه ترسره کړه.
غونډه د قرانکریم د څو مبارکو آیاتونو په تلاوت سره د پوهنتون رئیس، اسلامي علومو پوهنځي، رئیس او استادانو په ګډون پیل شوه.
لومړۍ، کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، وویل: یاده غونډه له استادانو سره محصلینو لپاره د ژمي په رخصتیو کې د لنډ مهاله دیني کورسونو او علمي سیمینارونو او ورکشاپونو دایرولو په پار نیولې، ترڅو له رخصتیو سره په ګټه اخیستنې سره د محصلینو ظرفیت لوړاوي برخه کې اړین خدمتونه ترسره شي.
زیاته یې کړه: محترمو استادانو تاسو د نظام یو مهمه برخه یاست او دیني درسونه محصلینو لپاره خورا اړین او مهم دي، د محصلینو روزل او تربیه ستاسو په لاس کې ده او د ښې روزنې راتلوونکۍ روښانه وي، خپلو مسؤولیتونو ته متوجه شئ او د پوهنتون اصولو او قوانینو ته په کتو محصلینو لپاره لنډمهاله دیني کورسونه دایر کړئ.
ښاغلي “هاشمي” د اسلامي علومو پوهنځي استادانو ته د کورسونو دایرولو، په کارونو کې صداقت، محصلینو سره ښه سلوک او رفتار او د محصلینو فکري او اصلاحي روزنې په برخو کې اړینې سپارښتنې وکړې.
د غونډې په پای کې ښاغلي "هاشمي" د استادانو د نظرونو او پشنهادونو اورېدلو وروسته، د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
