کابل ښوونې او روزنې پوهنتون رئیس لخوا د پوهنتون هغو استادانو ته چې د الکترونیکي زده کړو کورسونه یې ثبت کړي وو، ستاینلیکونه ورکړل شول!
دوشنبې ورځ د ١٨/٤/١٤٠٣ ه.ش چې له ٢/١/١٤٤٦ ه.ق نېټې سره سمون لري کابل ښوونې او روزنې پوهنتون رئیس لخوا د پوهنتون هغو استادانو ته چې الکترونیکي زده کړو کورسونه یې ثبت کړي وو، ستاینلیکونه ورکړل شول.
د کابل ښوونې او روزنې پوهنتون استادانو چې په ډېر کم وخت کې یې د پوهنتون بهبود او ښه والي لپاره اړین کارونه ترسره کړي دي او محصلینو لپاره یې د پوهنتون په استډیو کې د الکترونیکي زده کړو کورسونه یې ثبت کړي وو، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د ستاینلیکونو په ورکړې سره له ټولو استادانو منندویي وکړه او د الله ج له دربار څخه یې ورته د لا زیات خدمت کولو هیله وکړه.
وروسته، د کابل ښوونې او روزنې پوهنتون استادانو له ښاغلي رئیس صاحب څخه د منندویې ترڅنګ، وویل: خپلو کارونو ته به ادامه ورکړو او په هره برخه کې به کوښښ وکړو چې پوهنتون او محصلینو ته لا ډېر خدمات ترسره شي.
په پای کې د معلوماتي تکنالوژی او ویدیو کنفرانسونو عمومي مدیر ښاغلي امید"سیرت" د الکترونیکي زده کړو کورسونو ثبت اړوند اړین معلومات د غونډې ګډوونکونکو سره شریک کړل.
