کابل ښوونې او روزنې پوهنتون د دعوت او ارشاد آمریت لخوا د پوهنتون کارمندانو او خدماتي کارکوونکو د یو کلنې دورې د دیني درسونو د ازموينې پایلې د یو شانداره محفل په ترڅ کې اعلان شوې!
یکشنبې ورځ د ١٠/٤/١٤٤٦ ه.ق چې له ٢٢/٧/١٤٠٣ ه.ش نېټې سره سمون لري د کابل ښوونې او روزنې پوهنتون د دعوت او ارشاد څانګې لخوا د کارمندانو او خدماتي کارکوونکو د یو کلنې دورې د دیني درسونو د ازموینې پایلې د یو شانداره غونډې په ترڅ کې د پوهنتون معاونینو، پوهنځیو رئیسانو، د دعوت او ارشاد څانګې مسؤولینو، اداري آمرینو، استادانو، کارمندانو او خدماتي کارکوونکو په ګډون اعلان شوې.
د یادو مراسمو غونډه د دعوت او ارشاد څانګې آمر ښاغلي مولوي ذبیح الله "عابد" د قرانکریم د څومبارکو آیاتونو په تلاوت سره پیل شوه.
په پیل کې د کابل ښوونې او روزنې پوهنتون مالي او اداري چارو مرستیال ښاغلي مولوي حضرت ولي "زبیر" په خپلو خبرو کې د دعوت او ارشاد آمریت څخه مننه وکړه چې د دیني درسونو یو کلنه برنامه یې په کامیابۍ سره پای ته ورسوله، همدارنګه یې د د دیني علم او زده کړو اړوند ټولو ګډونکوونکو ته هراړخیزي خبرې وکړې او ګډونکوونکو ته یې په ژوند کې د نبوي اخلاقو، سنتونو، ښه سلوک او دین ته د خدمت کولو په پلي کولو سره اړینې سپارېښتنې وکړې .
د غونډې په لړ کې علمي چارو مرستیال ښاغلي پوهاند دوکتور جمشېدخان "رشیدي" او د اسلامي علومو پوهنځي رئیس ښاغلي شیخ عبدالاحد جواد "غزنوي" ټولو کارمندانو او خدماتي کارکوونکو ته د مبارکۍ ترڅنګ د دیني علومو او په دنیا او آخرت کې د هغو فوایدو اړوند هراړخیزې ویناوې وکړې.
د غونډې په پای کې د دعوت او ارشاد څانګې آمر ښاغلي مولوي ذبیح الله "عابد" له لورې د ازموینې پایلې اعلان شوې او له اول مقام څخه تر لسم مقام ګډونکوونکو ته ستاینلیکونه او ډالۍ ورکړل شوې.
غونډه د دعایې په ویلو سره پای ته ورسېده.
