کابل ښوونې او روزنې پوهنتون د تضمین کیفیت غونډه ترسره شوه!
پنجشنبې ورځ د ۳/۴/۱۴۴۵ هـــ.ق. چې له ٢٧/٧/١٤٠٢ه.ش نېټې سره سمون لري د تضمین کیفیت لوړاوي په پار د پوهنتون د کنفرانسونو په تالار کې د پوهنتون رئیس، معاونینو، پوهنځیو رئيسانو، استادانو او آمرینو په ګډون غونډه ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په لومړي سر کې د پوهنتون رئیس ښاغلي شیخ الحدیث مولوي سید بشیر آغا "هاشمي" د غونډې ګډونکوونکو ته د ښه راغلاست ترڅنګ، وویل: یاده غونډه د تضمین کیفیت لوړاوي په پار ترسره کیږي، نوموړي په خپلو خبرو کې د کیفیت لوړاوي اړوند د پوهنتون کارکوونکو ته اړیني سپارېښتنی وکړې، همدارنګه یې د ټول پوهنتون اداري کارونو په شفافیت او ښه والي خوښي څرګنده کړه، نوموړي تأکيد وکړ چې د تضمین کیفیت پروسې په پار ټولې ادارې باید د پوهنتون په اصولو او معیاراتو سره سم خپل ځان برابر کړي.
وروسته د علمي چارو مرستیال ښاغلي پوهاند دوکتور جمشېد خان "رشیدي" د غونډې ګډونوالو ته د تضمین کیفیت اړوند او همداشان د کیفیت لوړاوي(١١) ګونې معیارونه تشریح او توضیح کړل.
په آخر کې غونډه د دعایې په ویلو سره پای ته ورسېده.
