کابل ښوونې او روزنې پوهنتون د ارواپوهنې پوهنځي نويو کامیاب شویو محصلینو ته د پوهنځي پېژندنې او مربوطه امکاناتو په پار غونډه ترسره کړه!

سې شنبې ورځ د ٢٣/٣/١٤٤٧ ه.ق. چې له ٢٥/٦/١٤٠٤ ه.ش. نېټې سره سمون لري د کابل ښوونې او روزنې پوهنتون د عبدالرحمن بن سمرة د غونډو عمومي تالار کې د ارواپوهنې پوهنځي مسؤولینو د ١٤٠٤ کال هغه محصلینو ته چې د ارواپوهنې پوهنځي بېلابېلو څانګو ته نوي بریالي شوي دي، د پوهنځي پېژندګلوۍ او مربوطه امکاناتو په پار غونډه ترسره شوه.

په یاده غونډه کې د ارواپوهنې پوهنځي رئیس، د محصلینو خدمتونو او همغږۍ آمر، یاد پوهنځي استادانو او محصلینو ګډون درلود.

په پیل کې، د ارواپوهنې پوهنځي رئیس ښاغلي پوهنیار سید بدرالدین"نصرت" محصلینو ته د مبارکۍ تر څنګ، له استادانو او کورنۍ سره د ښو اخلاقو، مسلکي زده کړو، د عصری زده کړو تر څنګ د دیني زده کړو، له کتابتون او لابرتوارو څخه د ګټه اخیستلو او د پوهنتون اصولو او قوانینو مطابق د درسونو مخته وړلو اړوند اړینې سپارېښتنې وکړې.

وروسته، د محصلینو خدمتونو او همغږۍ آمر ښاغلي انجینر خان آغا"خبیب" محصلینو ته د مبارکۍ ترڅنګ، په خپلو خبرو کې د ارواپوهنې پوهنځي ارزښت او کاري برخو اړوند محصلینو سره معلومات شریک کړل.

په پای کې، د ارواپوهنې پوهنځي استاد، ښاغلي پوهاند عبدالمنان"حقیار" نويو کامیاب شویو محصلینو ته د ښه راغلاست تر څنک د پوهنځي تشکیل، استادانو، اداري کارمندانو، پوهنځي اهدافو، درسي میتودونو، تعلیمي کال، سمسټرونو شمېر، ازموینو، د کړیډت سیسټم لایحه او درسي ټایمونو اړوند، نویو کامیاب شویو محصلینو سره معلومات شریک کړل.