برای محصلینِ جدیدالشمول پوهنځی روان‌شناسی پوهنتون تعلیم وتربیه کابل مراسم معرفی و امکانات مربوطه پوهنځی برگزار گردید!
روز سه‌شنبه مؤرخ ۲۳/۳/۱۴۴۷ ه.ق مطابق ۲۵/۶/۱۴۰۴ ه.ش. در تالار عمومی عبدالرحمن بن سمرة پوهنتون برای محصلینِ سال(۱۴۰۴) که جدیداً به دیپارتمنت‌های مختلف این پوهنځي کامیاب گردیده‌‌اند، جهت آشنایی و امکانات مربوطۀ پوهنځی، با حضور داشت رئیس پوهنځی روان‌نشناسی، آمر انسجام خدمات محصلان، استادان و محصلین پوهنځی یاد شده جلسه معرفت برگزار گردید.
در آغاز، محترم پوهنیار سید بدرالدین"نصرت" رئیس پوهنځی روان‌شناسی در سخنان خویش ضمن مبارکی به تمام محصلین راجع به اخلاق نیکو با استادان و والدین، دروس مسلکی، یادگیری علوم دینی پهلوی علوم عصری، استفاده از کتاب‌خانه و لابرتوارها و تعقیب نمودن دروس مطابق اصول و مقرارت پوهنتون، توصیه‌های لازم نمودند.
بعداً، محترم انجینر خان آغا"خبیب" آمر خدمات انسجام محصلان در سخنان خویش به محصلین جدیدالشمول کامیابی‌شان را مبارکی گفته و راجع به ارزش و ساحات کاری پوهنځی روان‌شناسی معلومات همه‌جانبه را با محصلین شریک ساختند.
در پایان، محترم پوهاند عبدالمنان"حقیار" استاد پوهنځی روان‌شناسی برای محصلینِ جدیدالشمول ضمن خوش آمدید، راجع به تشکیل پوهنځی، اساتید، کارمندان اداری، اهداف پوهنځی، میتودهای درسی، سال تعلیمی، تعداد سمسترها، امتحانات، لایحه سیستم کریدت، تایم درسی و راجع به مسوولیت‌های محصلین معلومات همه‌جانبه را شریک ساختند.
