کابل ښوونې او روزنې پوهنتون او فراه د لوړو زده کړو مؤوسسې ترمنځ د دوه اړخیزو همکاریو هوکړه لیک لاسلیک شو!
چهارشنبې ورځ د ٢٣/٨/١٤٠٣ ه.ش چې له ١١/٥/١٤٤٦ ه.ق نېټې سره سمون لري د کابل ښوونې او روزنې پوهنتون او فراه د لوړو زده کړو مؤوسسې ترمنځ په دوه اړخیزو علمي او تحقیقي برخو کې هوکړه لیک د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" او فراه د لوړو زده کړو مؤوسسې رئیس ښاغلي مو/لوي سمیع الله"حقا/ني" ترمنځ لاسلیک شو.
کابل ښوونې او روزنې پوهنتون رئیس ښاغلي شیخ الحدیث سید بشیر آغا"هاشمي" د یاد هوکړه لیک اړوند خوښي څرګنده کړه، او د دواړو خواوو ترمنځ د هوکړه لیک په تطبیق کولو یې تأکید وکړ، زیاته یې کړه، کابل ښوونې او روزنې پوهنتون د هېواد په سطحه یو اکاډمیک پوهنتون دی چې مسلکي ښوونکي ټولنې ته وړاندې کوي او د دې هوکړه لیک په تطبیق به په علمي برخه کې د دواړو خواوو ستونزې حل او د هېواد پرمختګ لپاره به دواړه خواووې خدمت وکړي.
یاد هوکړه لیک چې په شپږو(٦)مادو کې ترتیب او د کابل ښوونې او روزنې پوهنتون او فراه د لوړو زده کړو مؤوسسې ترمنځ په علمي او تحقیقي برخو کې د (سیمینارونو او ورکشاپونو دایرولو، ظرفیت لوړاوي، ژورنالونو کې د مقالو چاپولو، علمي مجلو کې د تحقیقي آثارو چاپ، سیر علمي برنامو برابرولو، له یو بل سره د کارونو او فعالیتونو ګزارشونو شریکولو او نورو برخو کې د دوه اړخیزو ګډه همکاريو)اړوند لاسلیک شو.
یاده غونډه د هوکړه لیک په لاسلیک او دعایې ویلو سره پای ته ورسېد.
