کابل ښوونې او روزنې پوهنتون اداري شورا غونډه ترسره شوه!
دوشنبې ورځ د ۱۳/۱/۱۴۰۳ ه.ش چې له ۲۲/۹/١٤٤٥ ه.ق نېټې سره سمون لري د کابل ښوونې او روزنې پوهنتون اداري شورا غونډه د پوهنتون رئیس، معاونینو، پوهنځیو رئیسانو او اداري شورا غړو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث مولوی سید بشیر آغا "هاشمي" په خپلو خبرو کې اداري شورا غړو ته د ښه راغلاست ترڅنګ، په تاق سمسټر ازموینو کې د شفافیت موجودیت، نوي سمسټر درسونو پیلېدو ته د آماده ګۍ او د لوړو زده کړو وزارت د اصولو او مقراراتو مطابق د ماسټرۍ برنامو درسونو مخته وړلو اړوند اړینې سپارېښتنې وکړې.
همدارنګه د پوهنتون اداري شورا غړو د لاندې موضوګانو:
د تېرې اداري شورا پرېکړو ته بیا کتنه، د لېسانس او ماسټرۍ برنامو د محصلینو محرومي او فیسونو نه تحویلولو، خارج مرز استادانو موضوعاتو څېړلو او د پوهنځیو رئیسانو لخوا د ګزارش ورکولو، تاق سمسټر ازموینو پای ته رسېدلو او نوي سمسټر درسونو پیلېدو اړوند بحث او خبرې وکړې.
غونډه د دعایې په ویلو سره پای ته ورسېده.
