د کابل ښوونې او روزنې پوهنتون ١٤٠٣کال نويو کامیاب شویو محصلینو ته د ښه راغلاست او د (پوهنتون پېژندنې) غونډه ترسره کړه!
سې شنبې ورځ د ٢٧/٢/١٤٤٦ ه.ق. چې له ٦/٦/١٤٠٣ ه.ش. نېټې سره سمون لري د کابل ښوونې او روزنې پوهنتون د عبدالرحمن بن سمرة د غونډو عمومي تالار کې د محصلانو چارو معاونیت د محصلانو خدماتو چارو آمریت لخوا د پوهنتون فرهنګي کمېټې په همغږۍ د ١٤٠٣کال هغه محصلینو ته چې د پوهنتون بېلابېلو پوهنځیو ته نوي بریالي شوي دي، د پوهنتون پېژندګلوۍ او مربوطه امکاناتو په پار غونډه ترسره شوه.
په یاده غونډه کې د پوهنځیو رئیسانو، اداري آمرینو، استادانو او محصلینو ګډون درلود.
لومړۍ، د کابل ښوونې او روزنې پوهنتون د دعوت او ارشاد څانګې آمر مولوي ذبیح الله "عابد" محصلینو ته د مبارکۍ تر څنګ، له استادانو او کورنۍ سره د ښو اخلاقو، مسلکي زده کړو، د عصری زده کړو تر څنګ د دیني زده کړو، له کتابتون او لابرتوارو څخه د ګټه اخیستلو او د پوهنتون اصولو او قوانینو مطابق د درسونو مخته وړلو اړوند اړینې سپارېښتنې وکړې.
وروسته، د محصلانو خدماتو چارو مدیر ښاغلي عبدالرشید "سامع" نويو کامیاب شویو محصلینو ته د ښه راغلاست تر څنک د پوهنتون تشکیل، استادانو، اداري کارمندانو، پوهنتون اهدافو، درسي میتودونو، تعلیمي کال، سمسترونو شمېر، امتحانونو، د کریدت سیستم لایحه او درسي ټایمونو اړوند، نویو کامیاب شویو محصلینو سره معلومات شریک کړل.
غونډه د دعایې په ویلو سره پای ته ورسطذه.
