برای محصلانِ جدیدالشمول پوهنتون تعلیم وتربیه کابل مراسم خوش‌آمد گویی و معرفی پوهنتون برگزار گردید.

روز سه‌شنبه مؤرخ ۲۷/۲/۱۴۴۶ ه.ق مطابق ۶/۶/۱۴۰۳ ه.ش. در تالار عمومی عبدالرحمن بن سمرة پوهنتون برای محصلانِ سال(۱۴۰۳) که جدیداً  به پوهنځی‌های مختلف پوهنتون کامیاب گردیده‌‌اند، از طرف آمریت خدمات محصلان معاونیت امور محصلان با همکاری کمیته فرهنگی پوهنتون با حضورداشت رؤسای‌ پوهنځی‌ها، آمرین اداری، استادان و محصلان، جهت آشنایی با پوهنتون و امکانات مربوطه پوهنتون، محفل خوش‌آمدید برگزار گردید.

در آغاز، محترم مولوی ذبیح الله "عابد" آمر دعوت و ارشاد پوهنتون ضمن مبارکی به محصلان راجع به اخلاق نیکو با استادان و والدین، توجه به دروس مسلکی، یادگیری علوم دینی پهلوی علوم عصری، استفاده از کتاب‌خانه و لابرتوارها و تعقیب نمودن دروس مطابق اصول و مقرارت پوهنتون،  توصیه‌های لازم نمودند.

بعداً، محترم عبدالرشید "سامع" مدیر خدمات محصلان برای محصلانِ جدیدالشمول ضمن خوش آمدید، راجع به تشکیل پوهنتون، اساتید، کارمندان اداری، اهداف پوهنتون، میتودهای درسی، سال تعلیمی، تعداد سمسترها، امتحانات، لایحه سیستم کریدت، تایم درسی و راجع به مسوولیت‌های محصلان با تمامِ محصلان جدیدالشمول معلومات را شریک نمودند.

محفل با دعای خیر به پایان رسید.