د کابل ښوونې او روزنې پوهنتون رئیس د یاد پوهنتون له کادرونو سره چې دوکتورا برنامې یې د هېواد داخل او بهر کې بشپرې کړي، لیدنه وکړه!
یکشنبې ورځ د 7/8/1402 هـ.ش چې له 13/4/1445 هـ.ق نېټې سره سمون لري د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د پوهنتون هغه استادانو سره چې دوکتورا برنامې یې په بریالیتوب سره پای ته رسولي، لیدنه کړه.
غونډه د قرانکریم د څو مبارکو آیاتونو په تلاوت سره پیل شوه.
په یاده غونډه کې د پوهنتون رئیس، علمي چارو مرستیال او استادانو ګډون درلود.
د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" په خپلو خبرو کې وویل چې یاده غونډه د پوهنتون ارتقا لوړوالي په پار نیول شوې.
د غونډې په جریان کې په لاندې موضوګانو بحث او خبرې وشوې.
-هغه استادان چې له هېواد بهر تللي، بېرته راستنېدلو او خپلو دندو ته ادامه ورکولو.
- د پوهنتون په تشکیل کې د نویو پوهنځیو او دیپارټمنټونو رامنځته کول، ترڅو د ډېرو محصلینو د جذب زمینه برابره شي.
- د پوهنتون پرمختګ او عصري کولو لپاره د زېربنایي طرحو را منځته کول او د استادانو او کارمندانو د ارتقا لوړوالي لپاره د کنفرانسونو دایرېدو په هکله بحث او خبرې وشوې، چې د استادانو د نظریو اورېدلو وروسته د یادو مسایلو اړوند د عملي کولو هوکړه وشوه.
غونډه د دعایې په ویلو سره پای ته ورسېده.
