د کابل د ښوونې او روزنې په پوهنتون کې د خلاقیت او نوښت ناسته ترسره شوه
د دغه پوهنتون د خلاقیت او نوښت څانګې چې اصلي موخه یې د پوهنتون په کچه د لا زیاتو ابتکاراتو او نوښتګرو فعالیتونو د هڅولو په موخه د نوښتونو پیژندل دي، د ۱۴۴۳ کال د شنبې په ورځ د رمضان په ۸مه نېټه د خلاقیت او نوښت کمیټې خپله دوېیمه ناسته د پوهنتون د علمي څیړنو د همغږۍ په مرکز کې د خلاقیت او نوښت کمیټې د محترمو غړو په شتون کې جوړه کړه.
په دې ناسته کې د خلاقیت او نوښت مرکز کمیټې غړو په یو شمېر موضوعاتو لکه د خلاقیت او نوښت مرکز چوکاټ نهایی کولو او د خلاقیت او نوښت طرزالعمل چمتو کولو د څرنګوالي په اړه بحث وکړ، چې په پایله کې لاندې پریکړې وشوې.
۱. د ادبي سمون په موخه د خلاقیت او نوښت مرکز چمتو شوی متن محترم پوهنیار میرویس ته وسپارل شو.
۲. د پوهنتون په کچه د ابتکاري فعالیتونو د ثبتولو لپاره د ډیټابیس جوړول.
۳. د خلاق او متبکرانه فعالیتونو د پیژندلو لپاره د یوې هر اړخیزې کړنلارې چمتو کول. غونډه د خیر په دعا سره پای ته ورسیده.
