د ښوونې او روزنې (معارف) څانګې د لسمې دورې د فارغانو د تیزس د دفاع پای
د ښوونې او روزنې (معارف) څانګې د لسمې دورې د فارغانو د تیزسونو دفاع کولو محفل د ۱۴۰۰ کال د چنګاښ میاشتې په ۱۴مه نېټه د شهید استاد رباني د ښوونې او روزنې په پوهنتون کې پیل شوي و د ۱۴۰۰ کال د چنګاش په ۲۰مه نېټه پای ته ورسېد. د دغه محفل په پرانیسته کې د پوهنتون رئیسې آغلې پوهنوال لیلما شریفي یما، د پوهنتون د علمي چارو مرستیال ښاغلي پوهاند جمشېدخان رشیدي، د فوق لېسانس پروګرامونو آمر ښاغلي پوهاند فضلالحق فضل د روزنیزو او مسلکي زدهکړو د پوهنځي رئیس ښاغلي پوهنوال عبدالواسع عظیمي، ژوري پلاوي او لارښودو استادانو ګډون کړی و او ویناوې یې وکړې. په دغه محفل کې د ښوونې او روزنې (معارف) څانګې پنځهویشتو محصلانو له مهالوېش سره سم د لارښودو استادانو او څارندوی پلاوي په حضور کې د خپلو تیزسونو بریالۍ دفاع وکړه. هغه عنوانونه چې د ماسټرۍ بورډ د څېړنې لپاره محصلانو ته سپارلي وو، ډېر هراړخیز او د ښوونیز چاپېریال د اصلاح لپاره له ګټورې محتوا ډک وو چې تر څېړنې وروسته محصلانو ښې موندنې لرلې او په ښوونځیو کې یې د تدریس په طریقو، درسي مضامینو او ښوونیز نصاب کې د ستونزو ښې حللارې موندلې وې. د یادونې ده چې پایلې او وړاندیزونه به وروسته اړوندو مراجعو ته ولېږل شي تر څو هغه ادارې د دغو څېړنو له پایلو څخه په هېواد کې د ښوونې او روزنې په لاره کې د پرتو خنډونو په لرې کولو کې کار واخلي.
