د شهید استاد رباني د ښوونې او روزنې پوهنتون او د افغانستان د ملکي خدمتونو انستېتیوت تر منځ هوکړهلیک لاسلیک شو
د ۱۴۰۰ کال د وري میاشتې په لومړۍ نېټه د چهارشنبې په ورځ د شهید استاد رباني د ښوونې او روزنې پوهنتون او د افغانستان د ملکي خدمتونو انستېتیوت تر منځ د دوهاړخیزې همکارۍ هوکړهلیک لاسلیک شو. دا هوکړهلیک د پوهنتون رئیس او د افغانستان د ملکي خدمتونو انستېتیوت د څېړنې سرپرست رئیس لاسلیک کړ. په هوکړهلیک کې د دواړو لورو ژمنې راغلې دي.
د دغه هوکړه لیک موخې دا دي:
• شهید استاد رباني د ښوونې او روزنې پوهنتون او د ملکي خدمتونو انستېتیوت به د بنسټیزو عامه څېړنو د پراختیا او مدیریت په موخه د ګډ څېړنیز پروګرام په عملي کولو کې له یو بل سره همکاري وکړي.
• د معیاري څېړنې په برخه کې د شهید استاد رباني د ښوونې او روزنې پوهنتون او ملکي خدمتونو د انستېتیوت علمي مشارکت.
• د څېړنو د ګډې ارزونې او مخته وړلو لپاره ګډه کمېټه ټاکل او د څېړنو پایلې د کتابونو او علمي مقالو په ډول خپرول.
• د څېړنې بهیر عملي کول او د شته پایلو او د استادانو او کارکوونکو د علمي تجربو له مخې د شهید استاد رباني د ښوونې او روزنې پوهنتون د ماسټرۍ برخې تېزسونه بشپړول.
په دې ناسته کې د شهید استاد رباني د ښوونې او روزنې پوهنتون رئیس آغلې پوهنوال لیلما شریفي یما، د پوهنتون د علمي چارو مرستیال ښاغلي پوهاند جمشېدخان رشیدي، د پوهنتون د ماسټرۍ د برخې آمر ښاغلي پوهاند فضلالحق فضل، د روزنیزو او مسلکي علومو پوهنځي رئیس ښاغلي پوهنوال عبدالواسع عظیمی، د روزنیزو او مسلکي علومو پوهنځي مرستیال ښاغلي ډاکټر سخنور، د افغانستان د ملکي خدمتونو انستېتیوت د څېړنې او اړتیا سنجونې سرپرست رئیس ښاغلي هدایتالله صدیقي، د دغه انستېتیوت د بشري سرچینو آمرې آغلې اسما فروغ او د دوی همکارانو ګډون کړی و
