کابل ښوونې او روزنې پوهنتون د اسلامي علومو پوهنځي علمي شورا غونډه ترسره شوه!
چهار شنبې ورځ د ١٧/١٠/١٤٠٤ ه.ش چې له ١٧/٧/١٤٤٧ ه.ق نېټې سره سمون لري د اسلامي علومو پوهنځي د علمي شورا نوبتي غونډه د علمي چارو مرستیال، پوهنځي رئیس، د څانګو آمرینو او استادانو په ګډون ترسره شوه.
غونډه د قرآن عظیمالشان د څو مبارکو آیتونو په تلاوت پیل شوه.
په پیل کې، د علمي چارو مرستیال ښاغلي مولوي احسان الله"ناصح" هر اړخیزه وینا وکړه، د اسلامي علومو پوهنځي علمي هڅې یې وستایلې او کیفیت لوړاوي پروسې لپاره د چمتوالي، تدریسي کیفیت، د نصاب بیا کتنې، استادانو ژمنتیا، علمي مقالو لیکلو او سیمینارونو دایرولو اړوند یې ګډونوالو ته اړینې سپارېښتنې وکړې. ټینګار یې وکړ: د اسلامي علومو پوهنځی د ټولنې د فکري، اخلاقي او ديني روزنې بنسټیز مسؤلیت لري او باید تدریسي بهیر یې د معاصرو اړتیاوو سره سم، خو د اسلامي اصولو په رڼا کې لا پیاوړی شي.
وروسته، د اجنډا مطابق د کیفیت لوړاوي پروسې لپاره چمتوالي، داخلي اروزنې نتایج، روان کال تدریسي او علمي چارو ارزونه، د نصاب پیاوړتیا، د استادانو علمي فعالیتونه، د محصلینو ستونزې، د څېړنو پرمختګ او د راتلونکو علمي پروګرامونو موضوعاتو اړوند بحث او خبرې وشوې.
غونډه د دعایې په ویلو سره پای ته ورسېده.
