د لوړو زده کړو وزارت د کارکوونکو چارو ریاست د ښوونې او ظرفیت لوړونې آمریت له لوري د کابل ښوونې او روزنې پوهنتون د کارکوونکو چارو آمریت په همغږۍ د یاد پوهنتون اداري برخو آمرینو او کارمندانو  ته "په اداري کارونو کې د کمپیوټر څخه د ګټه اخیستلو" ترسرلیک لاندې

یکشنبې په ورځ د ٢٣/٦/١٤٤٧ ه.ق. چې له ٢٣/٩/١٤٠٤ ه.ش نېټې سره سمون لري د لوړو زده کړو وزارت د کارکوونکو چارو ریاست د ښوونې او ظرفیت لوړونې آمریت له لوري د کابل ښوونې او روزنې پوهنتون د کارکوونکو چارو آمریت په همغږۍ د یاد پوهنتون اداري برخو آمرینو او کارمندانو  ته "په اداري کارونو کې د کمپیوټر څخه د ګټه اخیستلو" ترسرلیک لاندې څلور ورځنی ورکشاپ پیل شو.

ورکشاپ غونډه د قران کریم د څو مبارکو آیاتونو په تلاوت سره پیل شو.

 لومړي، د کابل ښوونې او روزنې پوهنتون مالي او اداري چارو مرستیال ښاغلي مولوي خالد "عزیزي" د غونډې ګډونوالو ته د ښه راغلاست وینا وکړه، همدارنګه یې د یاد ورکشاپ دایرېدلو اړوند خوښي څرګنده کړه او له ټولو ګډونوالو څخه یې وغوښتل چې له ورکشاپ څخه پوره ګټه واخلي او په هره برخه کې چې ستونزې لري د دې ورکشاپ په پای ته رسېدو یې حل کړي.

همدارنګه، د لوړو زده کړو وزارت د کارکوونکو چارو ریاست د ښوونې او  ظرفیت لوړونې آمر ښاغلي عبیدالله"مولایي" په خپلو خبرو کې د ورکشاپ هدف او موخه او ضرورتونو اړوند معلومات له ګډوونکونکو سره شریک کړل.

د یادولو وړ ده چې یاد ورکشاپ د لوړو زده کړو وزارت، کارکوونکو چارو ریاست د ښوونې او ظرفیت لوړونې آمریت د مسؤل لخوا رسماً پیل او په یادو څلورو ورځو کې به د مایکروسافټ آفېس برنامې د ورډ او اکسل برنامو اړوند هراړخیز معلومات له ګډونوالو سره شریک کړي.