کابل ښوونې او روزنې پوهنتون کمپیوټرساینس پوهنځي لخوا د یاد پوهنځي محصلینو ته" د کمپیوتري شبکو مجازي کولو" ترسرلیک لاندې دوه ورځنۍ علمي- ښوونیز سیمینار پیل شو!
شنبې ورځ د ۲۲/۶/۱۴۰۴ ه.ش چې له ۲۰/۳/۱۴۴۷ ه.ق نېټې سره سمون لري د کابل ښوونې او روزنې پوهنتون د کمپیوټر ساینس پوهنځي لخوا دوه ورځنی علمي–ښوونیز سمینار د «کمپیوتري شبکو مجازي کولو» تر عنوان لاندې پیل شو. د دې سیمینار موخه د محصلینو علمي ظرفیت لوړول او د شبکو په برخه کې د نوې ټکنالوژۍ سره د هغوی بلدتیا ډېرهول دي.
په پیل کې، د کابل ښوونې او روزنې پوهنتون رئیس ښاغلي شیخ الحدیث سید بشیرآغا"هاشمي"، د سیمینار پیل وینا وکړه او د نوې ټکنالوژۍ د کیفیتي زدهکړو او څېړنو اړوند یې ټینګار وکړ، همدارنګه یې محصلینو ته وویل چې باید د دې علمي سیمینار له فوایدو څخه پوره ګټه واخلي.
وروسته، د کمپیوټر ساینس پوهنځي استاد ښاغلي پوهنیار محمد کبیر "احمدي" د یاد سیمینار علمي موضوعات او عملي بیلګې تشریح کړې او د شبکو د مجازيسازی کولو اړوند یې هراړخیز معلومات شریک کړل.
یاد دوه ورځنی سیمینار به د نظري او عملي برخو له لارې د محصلینو علمي پوهه نوره هم پیاوړې کړي.۱
