کابل ښوونې او روزنې پوهنتون د ١٤٠٤ کال په لړ کې د استادانو ظرفیت لوړواي برنامو دایرولو په پار د همغږۍ غونډه ترسره شوه!
یکشنبې ورځ د ١٤/٢/١٤٠٤ ه.ش چې ٦/١١/١٤٤٦ ه.ق نېټې سره سمون لري د کابل ښوونې او روزنې پوهنتون د ١٤٠٤ کال په لړ کې د استادانو ظرفیت لوړواي برنامو دایرولو په پار د همغږۍ غونډه د پوهنتون رئیس، معاونینو، پوهنځیو رئیسانو، استادانو او د استادانو د مسلکي انکشاف آمریت مسؤولینو په ګډون ترسره شوه.
غونډه د قرانکریم څو مبارکو آیتونو په تلاوت سره پیل شوه.
په پیل کې، د استادانو مسلکي انکشاف آمر ښاغلي پوهنوال دوکتور عبدالجبار"څپاند" د غونډې دایرېدلو هدف او موخې او د ١٤٠٤ کال لپاره د استادانو ظرفیت لوړاوي برخه کې د پلان شویو برنامو اړوند هراړخیز معلومات د غونډې له ګډونکونکو سره شریک کړل.
وروسته، د کابل ښوونې او روزنې پوهنتون رئیس ښاغلي شیخ الحدیث و القران سیدبشیرآغا "هاشمي" په خپلو خبرو کې د پوهنتون له هغو لوړ رتبو استادانو څخه چې د پوهنتون نویو مقررشویو استادانو لپاره د ظرفیت لوړاوي برنامې دایروي منندویي وکړه، زیاته یې کړه: هیله مو ده چې روان کال د استادانو ظرفیت لوړاوي برخه کې لازیاتې برنامې دایرې شي څکه چې د دې برنامو په دایرولو سره د استادانو ستونزې تر ډېره حل کیږي او د پوهنتون پرمختګ برخه کې د داسې برنامو دایرېدل خورا مهم بلل کیږي.
د غونډې په جریان کې د علمي چارو مرستیال ښاغلي پوهنمل دوکتور قدرت الله "عمرخیل" او څېړنو او علمي مجلو مرستیال ښاغلي پوهنمل طاووس"محمدي" په خپلو خبرو کې د ظرفیت لوړاوي برنامو په دایرېدلو ټینګار وکړ.
د غونډې په پای کې، ګډونکونکو په روان کال کې د ظرفیت لوړاوي برنامو د دایرېدلو وخت، ترتیب او څرنګوالي اړوند هراړخیزې خبرې وکړې..
غونډه د دعایې ویل سره پای ته ورسېده.
