کابل ښوونې او روزنې پوهنتون محصلانو چارو معاونیت لخوا محصلینو ته "د مرحوم امیرال/مؤمنین ملا محمد عمر مجا/هد د زندګي نامې او کارنامو" ترسرلیک لاندې یو ورځنۍ علمي-ښوونیز سیمینار وړاندې شو!
چهارشنبې ورځ د ٢/١١/١٤٤٦ ه.ق چې له ١٠/٢/١٤٠٤ ه.ش نېټې سره سمون لري د کابل ښوونې او روزنې پوهنتون محصلانو چارو معاونیت لخوا محصلینو ته "د مرحوم امیر/المؤمنین ملا محمد عمر مجا/هد د زندګي نامې او کارنامو" ترسرلیک لاندې یو ورځنۍ علمي-ښوونیز سیمینار وړاندې شو.
سیمینار غونډه د قرآنکریم د څو مبارکو آیاتونو په تلاوت سره پیل شوه.
په یاده غونډه کې د پوهنتون رئیس، محصلانو چارو مرستیال، اسلامي علومو پوهنځي رئیس، اداري آمرینو، کارمندانو او محصلینو ګډون درلود.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیرآغا"هاشمي" په خپلو خبرو کې له مسؤولینو څخه چې یاد سیمینار ته یې زمینه برابره کړې، منندویې وکړه، او د مرحوم امیر ال/مؤمنین ملا محمد عمر مجا/هد صاحب د ژوند تاریخ، اخلاقو، اسلامي اهدافو اړوند یې هراړخیزې خبرې وکړې، همدارنګه یې د اسلامي نظام اهدافو، نېکو اخلاقو، له وخت څخه په ګټه اخیستنې د درسونو مخته وړلو، د انسان په ژوند کې د اسلام له نظره د وخت ارزښت او له سیمینار څخه د ګټې اخیستنې اړوند ګډوونکونکو ته اړینې سپارېښتنې وکړې.
وروسته، د اسلامي علومو پوهنځي رئیس ښاغلي شیخ عبدالاحد جواد "غزنوي" په خپلو خبرو کې د مرحوم ملا صاحب ژوندلیک، کارنامو، سیاسې، ټولنیز او اقتصادي اهدافو اړوند هراړخیزې خبرې وکړې.
همدارنګه، د اسلامي علومو پوهنځي استاد ښاغلي دوکتور محمد ولي "حنیف" د اسلامي نظام اهدافو اړوند هراړخیزې خبرې وکړې
د سیمینار په جریان کې د محصلینو لخوا د شعرونو دکلمې او ترانې وویل شوې او سیمینار د دعایې په ویلو سره پای ته ورسېد.
