کابل ښوونې او روزنې پوهنتون د ژمني دوه میاشتنیو ښوونیزو- لارښودي پروګرامونو ستاینغونډه ترسره شوه!
دوشنبې ورځ ٢٤/٩/١٤٤٦ ه.ق چې له ٤/١/١٤٠٤ ه.ش نېټې سره سمون لري د کابل ښوونې او روزنې پوهنتون ژمني ښوونیز- لارښودي ورکشاپونه چې د دوه میاشتو په لړ کې په مختلفو (ټولنیزو علومو، طبیعي علومو، اسلامي علومو او انساني علومو حوزو کې په کیفي بڼه د څېړنو روشونو، په تدریسي برخو کې د ورد او پاورپاینټ ښوونیزو برنامو د تکنالوژیکي مهارتونو تقویت او په علمي او عملي بڼه د ژباري روشونو) موضوعاتو اړوند د کابل ښوونې او روزنې، وردګ، پروان، لوګر او البیروني پوهنتونونو استادانو او د کورنیو چارو وزارت د څېړنې ریاست غړو ته پیل شوي ول، په بریالیتوب سره له پای ته رسېدلو وروسته د یادو برنامو ستاینغونډه د کابل ښوونې او روزنې پوهنتون رئیس، معاونینو، پوهنتون استادانو او د مختلفو اداراتو استادانو په ګډون پیل شوه.
ستاینغونډه د قرآنکریم د څو مبارکو آیاتونو په تلاوت سره پیل شو.
لومړی، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په بریالی توګه د یادې ژمني برنامې پای ته رسېدو اړوند د خوښي ترڅنګ د کابل ښوونې او روزنې پوهنتون له مسؤولینو څخه مننه وکړه چې یادو برنامو کې یې زیار ایستی وو، زیاته یې کړه: د دې ستاینلیکونو په ورکړې سره له ټولو مننه کوو او په چارو کې ورته د الله ج له دربار څخه د بریالیتوب هیله کوو. همدارنګه یې استادانو ته د څېړنو په ترسره کولو، د کنفرانسونو دایرولو، پر وخت خپلې علمي ترفېع تر لاسه کولو، د پوهنتون مختلفو کمېټو کې د استادانو ګډون او د تدریس برخه کې پوهنتون او ټولنې ته د ژمن پاتې کېدلو اړوند اړینې سپارېښتنې وکړې.
وروسته، د پوهنتون د استادانو مسلکي انکشاف مرکز آمر پوهنوال دوکتور عبدالجبار"هڅاند" په خپلو خبرو کې د یادو. ورکشاپونو ارزشت او ګټو او د راتلوونکي کال نورو برنامو اړوند هراړخیزې خبرې وکړې.
د یادولو وړ ده چې غونډه د یادو برنامو تدریس کوونکو استادانو او ګډوونکونکو استادانو ته د ستاینلیکونو په ورکړې سره پای ته ورسېد.
