کابل ښوونې او روزنې پوهنتون رئیس او محصلانو چارو مرستیال د (۱۴۰۳) کال "خزاني سمسټر" د ورځني او شپني ټایم له وروستی ورځې د ازموینو له جریان څخه لیدنه وکړه!
چهارشنبې ورځ د ٢٣/٦/١٤٤٦ هـ ق چې له ٥/١٠/١٤٠٣ ه.ش نېټې سره سمون لري کابل ښوونې او روزنې پوهنتون رئیس او محصلانو چارو مرستیال د (۱۴۰۳) کال "خزاني سمسټر" د ورځني او شپني ټایم له وروستی ورځې د ازموینو له جریان څخه لیدنه وکړه.
د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" او محصلانو چارو معاون ښاغلي مولوي ګل رحمان "وثیق" د بېلابېلو پوهنځیو د ورځني او شپني ټایمونو د ازموینو له صحنې څخه له نیږدې لیدنه وکړه او د پوهنتون محصلینو څخه یې په ازموینو کې د شفافیت، امانتدارۍ، نظم او ډسپلین اړوند وپوښتل، ټولو محصلینو په ازموینو کې د شفافیت له شتون څخه خوشحالي څرګنده کړه، زیاته یې کړه: د استادانو لخوا په ښه سلوک او رویې سره ازموینې واخیستل شوې او ازموینو کې د ړونتیا او شفافیت اړوند مونږ راضي یاستو.
همدارنګه، د پوهنتون رئیس ښاغلي "هاشمي" ټولو استادانو څخه د لوړو زده کړو وزارت د اصولو او مقرراتو مطابق د ازموینو اخیستلو اړوند منندویی وکړه، زیاته یې کړه: خوشحاله یو چې د استادانو لخوا د پوره روڼتیا او شفافیت په شتون کې ازموینې واخیستل شوې.
