د کابل ښوونې او روزنې پوهنتون محصلینو ته د دیني -اصلاحي درسونو لړۍ په جریان کې "د اسلام اقتصادي نظام" سرلیک لاندې موضوع تدریس شوه!
دوشنبې ورځ د ۱۸/۴/١٤٠٣ ه.ش چې له ۲/۱/۱۴۴۶ ه.ق نېټې سره سمون لري د پوهنتون د رهبری او دعوت او ارشاد څانګې په همغږۍ چې محصلینو ته کوم دیني-اصلاحي درسونه پیل شوي دي، د یادو درسونو په جریان کې " د اسلام اقتصادي نظام" تر سرلیک لاندې موضوع د شیخ الحدیث مولوی سید بشیر آغا "هاشمي" له لوري د یاد پوهنتون محصلینو ته تدریس شوه.
ښاغلي "هاشمي" د تدریس په جریان کې محصلینو ته د اسلامي نظام ترڅنګ د ښه اقتصاد درلودلو، د اسلام اقتصادي نظام ډولونو، او د اسلام اقتصادي نظام ارزښت اړوند ارزښمندې خبرې وکړې.
د یادونې وړ ده چې د تدریس په پای کې ښاغلي شیخ الحدیث سید بشیر آغا"هاشمي" د محصلینو سوالونو ته قانع کوونکي ځوابونه ورکړل.
