کابل ښوونې او روزنې پوهنتون محصلانو چارو معاونیت د معلوماتي تکنالوژۍ څانګې په همغږۍ د پوهنځیو رئیسانو، ډیپارټمنټونو آمرینو، استادانو، تدریسي مدیرانو او اجرایي مدیرانو ته د HEMIS زده کړې څلور ورځنۍ ورکشاپ پیل کړ!
یکشنبې ورځ ۲۳/۱۲/۱۴۴۵ هــ ق چې له ۱۰/۴/۱۴۰۳ ه.ش نېټې سره سمون لري کابل ښوونې او روزنې پوهنتون محصلانو چارو معاونیت د معلوماتي تکنالوژۍ څانګې په همغږۍ د پوهنځیو رئیسانو، ډیپارټمنټونو آمرینو، استادانو، تدریسي مدیرانو او اجرایي مدیرانو ته د HEMIS سیسټم زده کړې ښوونیز څلور ورځنۍ ورکشاپ د پوهنتون د معلوماتي تکنالوژۍ څانګې په ICT دفتر کې د کابل ښوونې او روزنې پوهنتون رئیس، علمي چارو مرستیال، استادانو او تدریسي مدیرانو په ګډون پيل شو.
یاد ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د پوهنتون رئیس ښاغلي شیخ الحدیث سید بشیر آغا"هاشمي" د غونډې ګډوونکونکو ته د ښه راغلاست ترڅنګ، د یاد ورکشاپ ضرورتونو اړوند هراړخیزي خبرې وکړې او له ګډوونکونکو ته یې له ورکشاپ څخه د پوره ګټه اخیستلو اړوند لازمې سپارېښتنې وکړې.
وروسته له مقدماتي خبرو، د یاد سیسټم ترینر د معلوماتي تکنالوژی او ویډیو کنفرانسونو عمومي مدیر ښاغلي امید "سیرت" لخوا د HEMIS زده کړو ورکشاپ رسماً پیل شو.
د یادولو وړ ده چې یاد ورکشاپ به څلور ورځې دوام وکړي او د نه ګوني پوهنځیو رئیسانو، استادانو او تدریسي مدیرانو ته په جلا جلا ورځو کې وړاندې شي.
