د نېکمرغه لوی اختر د رارسېدو په مناسبت د کابل ښوونې او روزنې پوهنتون رئیس د مبارکۍ پیغام!
بِسْمِ اللَّـهِ الرَّحْمَـٰنِ الرَّحِيمِ
(تَقَبَّلَ اللهُ مِنَّا وَمِنْكُمْ صَالِحَ الْأَعْمَالِ)
کابل ښوونې او روزنې پوهنتون رئیس ښاغلی شیخ الحدیث سید بشیر آغا "هاشمي" د 1445ه.ق/1403 ه.ش کال د نېکمرغه لوی اختر د رارسېدو په مناسبت د افغانستان غیور او مجاهد ولس، په ځانګړې توګه د شهیدانو قدرمنو کورنیو، کونډو، یتیمانو، سرسپارلو غازیانو، محصلینو او هغه علمي او مسلکي کادرونو ته چې د هېواد د سوکالۍ او آبادۍ په موخه د علمي او مسلکي کادرونو روزنه کوي، د آزادۍ، امن او ورورولی په سپېڅلې فضاء کې د زړه له کومي د لوی اختر مبارکي وایي.
الله تعالی ﷻ مو حجونه، تکبیرونه، لمانځونه، صدقات، طاعات، عبادتونه، قربانۍ او ټول نېک اعمال په خپل عالي دربار کې قبول کړي.
د یو آباد، پرمختللي او متعهد افغانستان په هیله!
په درنښت
کابل ښوونې او روزنې پوهنتون رئیس
شیخ الحدیث سید بشیر آغا "هاشمي"
