د Yunus Emre انسټیټوټ د کابل ښوونې او روزنې پوهنتون د ټولنیزو علومو، ارواپوهنې، کمپیوټر ساینس او تربیتي او مسلکي علومو پوهنځيو محصلینو ته کلتوري-معنوي سیمینار وړاندې کړ!
شنبې ورځ د 2/6/1445هــ.ق چې له 25/9/1402هــ.ش نېټې سره سمون لري د Yunus Emre انسټیټوټ د کابل ښوونې او روزنې پوهنتون د ټولنیزو علومو، ارواپوهنې، کمپیوټرساینس او تربیتي او مسلکي علومو پوهنځيو محصلینو ته د "احترام او محبت" تر سرلیک لاندې کلتوري- معنوي سیمینار وړاندې کړ.
غونډه د قرآنکریم د څو مبارکو آیاتونو په تلاوت سره پیل شوه.
په یاده غونډه کې د پوهنتون رئیس، پوهنځیو رئیسانو، دعوت او ارشاد څانګې آمر، استادانو او د یونیس ایمره انسټیټوټ رئیس “ګونګور” ور سره مل پلاوي او محصلینو ګډون درلود.
لومړۍ، د یاد انسټیټوټ رئیس ښاغلي حسین "ګونګور" په خپلو خبرو کې د کابل ښوونې او روزنې پوهنتون له رهبرۍ څخه یاد سیمینار ته د زمینې برابرولو په پار مننه وکړه او د یاد انسټیټوټ او فعالیتونو اړوند یې معلومات ورکړل.
وروسته د پوهنتون رئیس ښاغلي شیخ الحدیث مولوي سید بشیر آغا "هاشمي" په خپلو خبرو کې د یاد انستیوت له مسؤولینو څخه مننه وکړه چې محصلینو ته سیمینارونه دایروي او محصلینو ته یې والدینو او استادانو ته د احترام او ټولو مسلمانانو سره د میني او ورورولی اړوند اړینې سپارېښتنې وکړې.
یاد سیمینار د "احترام او محبت" سرلیک لاندې د استاد حفیظ الله “قرباني” له لوري وړاندې شو او په اخر کې د ډالیو پر ورکړې او دعایې په ویلو سره سیمینار پای ته ورسېد.
