د کابل ښوونې او روزنې پوهنتون د تاق سمستر لپاره د دیني -اصلاحي درسونو لړۍ په جریان کې د (عقایدو اهمیت په اسلام کې) سرلیک لاندې موضوع تدریس شوه!
د کابل ښوونې او روزنې پوهنتون، تاق سمسټر محصلینو لپاره د دیني - اصلاحي درسونو لړۍ په جریان کې د اسلامي علومو، ټولنیزو علومو او اختصاصي علومو پوهنځیو محصلینو ته د (عقایدو اهمیت په اسلام کې) سرلیک لاندې موضوع تدریس شوه!
سې شنبې ورځ د 21/9/1402ه.ش چې له 28/5/1445ه.ق نېټې سره سمون لري د یادو درسونو په جریان کې د (د عقایدو اهمیت په اسلام کې) تر سرلیک لاندې موضوع د شیخ الحدیث مولوی سید بشیر آغا "هاشمي" له لوري د نوموړي پوهنتون د اسلامي علومو، اختصاصي علومو او ټولنیزو علومو پوهنځیو محصلینو ته تدریس شوه.
ښاغلي "هاشمي" د تدریس په جریان کې محصلینو ته د اسلام له نظره د مسلمانانو مسؤولیتونو، د عقایدو اهمیت، عقایدو ډولونه، اسلامي اخلاقو او آدابو، د اسلام له نظره د عقایدو ارزښت اړوند ارزښمندې خبرې وکړې.
د یادونې وړ ده چې د تدریس په پای کې ښاغلي شیخ الحدیث مولوي سید بشیر آغا"هاشمي" د محصلینو سوالونو ته قانع کوونکي ځوابونه ورکړل.
