د کابل ښوونې او روزنې پوهنتون او کابل پوهنتون ماسټرۍ برنامو کانکور آزموینه واخېستل شوه !
سې شنبې ورځ د 1445/2/19 هـ ق چې له 1402/6/14 هــ ش نېټې سره سمون لري، د کابل ښوونې او روزنې پوهنتون او کابل پوهنتون د (7) ماسټرۍ برنامو کانکور آزموینې یوه ورځینۍ لړۍ د کابل ښوونې او روزنې پوهنتون کې په پوره روڼتیا سره او ډاډمنه فضاء کې پای ته ورسېده.
د کابل ښوونې او روزنې پوهنتون رهبرۍ او د آزموینو ملي ادارې څخه راغلي پلاوي د امتحان له صحنې څخه له نېږدې لیدنه وکړه او د آزموینو ټولو ګډونوالو ته یې د دې پروسې د روڼتیا، امانتدارۍ، نظم او ډیسپلین په اړه ډاډ ورکړ.
د پوهنتون رهبرۍ ټولو استادانو ته د آزموینې اړوند اړینې سپارښتنې وکړې او د آزموینو ملي ادارې پلاوي ته یې د آزموينې د پوره روڼتیا او امانت دارۍ ډاډ ورکړ.
د یادونې وړ ده چې په یاده آزموینه کې په ټولیز ډول د آزموینو ملي ادارې د سرشمېرنې پر بنسټ د کابل ښوونې او روزنې پوهنتون او کابل پوهنتون (7) د ماسټرۍ برنامو کې (1184 ) تنو ګډون کړی وو.
