د لوړو زده کړو وزارت د علمي مجلو کمیسون ارزیابۍ پلاوي د کابل ښوونې او روزنې پوهنتون د علمي مجلې څانګې څخه ليدنه وکړه!
د لوړو زده کړو وزارت د علمي مجلاتو کمیسون د ارزونې پلاوي د کابل ښوونې او روزنې پوهنتون د علمي مجلې څانګې څخه د ليدنې په پار یاد پوهنتون ته تشریف راوړ.
لومړی د پوهنتون د علمي چارو مرستیال ښاغلي پوهاند دوکتور جمشېد خان “رشیدی” د مجلې آمر ښاغلي پوهنیار دوکتور سیدعلي اقبال، د پوهنتون نشراتي کمیسون غړو، د وزارت پلاوي غړو د ملي کمیسون علمي مجلو غړو ښاغلي دوکتور احمد جواد نیازي، د بین المللي علمي مجلو کارپوه ښاغلي عبدالعزیز حکیمي او د تحقیق تألیف او ترجمې ریاست د ملي مجلو کار پوه ښاغلي عبدالرحمن ادیب په ګډون کې ترسره شوه.
ښاغلي پوهاند دوکتور جمشېد خان رشیدي راغلي پلاوي ته د ښه راغلاست تر څنګ د پوهنتون د مجلې په علمي او تحقیقاتي برخو کې لازم معلومات ورکړل. او وروسته یې د پېژندنې پیغام علمي مجلې، تحقیقي مجلې چې څه باندې (۲۰) کاله نشرات لري، اړوند او د پوهنتون په توانمندۍ او امکاناتو د علمي مجلې او بین المللي ژورنالو اړوند توضیحات ورکړل او له یاد پلاوي څخه یې د ملي تحقیقي مجلې او بین المللي ژورنالونو اړوند د همکارۍ غوښتنه وکړه.
وروسته د راغلي پلاوي په نمایندګۍ ښاغلي دوکتور احمد جواد نیازي په تحصیلي نهادونو کې د علمي مجلو د معیاري کېدلو او پرمختګ اړوند خبرې وکړې او زیاته یې کړه چې، هر څه چې په توان کې لري پلي به یې کړي.
راغلي پلاوي وروسته د علمي مجلې له آمریت څخه لیدنه وکړه او د علمي مجلې آمریت، آمر ښاغلي پوهنیار دوکتور سید علي اقبال د معرفت پیغام مجلې د علمي مقالو د نشرولو او لاسته راوړلو پروسیجر او انټرنېټي سایټ اړوند او همدارنګه په راتلونکي کال کې د تخصصي مجلو د (طبیعي علومو، ادبیاتو او خارجي ژبو) په برخه کې د ایجادولو اړوند معلومات ورکړل په آخر کې د راغلي پلاوي لخوا د مقالو غونډولو او نشرولو د لا ښه او معیاري کېدلو اړوند نوې لارې چارې وړاندې کړې او د مجلې آمریت مسؤلینو لخوا ډاډ ورکړل شو چې، یاد وړاندیزونه به د پوهنتون له رهبرۍ سره شریک کړي او د مقالو معیاری کېدلو او اسانتیاوو ایجادولو په برخه کې به لا ډېر کوښښونه وکړي.
