کابل ښوونې او روزنې پوهنتون د خدمات محصلانو چارو څانګې لخوا د ورزشي کمېټې غونډه ترسره شوه!
شنبې ورځ د ۱۵/۱۰/۱۴۴۴ هـــــ.ق نېټه د کابل ښوونې او روزنې پوهنتون د خدمات محصلانو چارو څانګې له لوري د پوهنتون د ورزشي کمېټې غونډه ترسره شوه.
غونډه د قرآنکریم د څو مبارکو آیتونو په تلاوت سره پیل شوه.
په یاده غونډه کې د محصلانو چارو معاون، د بدنې روزنې او ورزشي علومو پوهنځي استادانو، د محصلانو څانګې آمر او د پوهنتون د ورزشي کمېټې محصلانو غړو ګډون درلود.
په لومړي سر کې د محصلانو چارو معاون ښاغلي انجینر اکرام الله “صهیب” د غونډې ګډون کوونکو ته د ښه راغلاست تر څنګ د دې کمېټې د جوړېدو په پار خوښي څرګنده کړه، هغه په خپلو خبرو کې وویل چې د بدني روزنې او ورزشي علومو پوهنځي په مرسته به روان کال په پوهنتون کې تورنمنټونه پیل کړي، چې په هره برخه کې به د ټولو پوهنځیو ټيمونو ترمنځ مسابقې ترسره شي او په پوهنتون کې به معیاري میدانونه جوړ او د ټولو ټيمونو ورزشکارانو ته به ورزشي توکي برابر کړو، همدارنګه یې زیاته کړه چې د یاد پوهنتون د ورزش په هره برخه کې محصلانو ته پوره خدمات وړاندې کړي.
ورپسې د خدمات محصلانو چارو څانګې آمر ښاغلي شفیع الله “آخنذاده “ د مسابقاتو برابرولو او محصلانو ته د ټولو امکاناتو په چمتو کولو کې د بدني روزنې او ورزشي علومو پوهنځي استادانو او د کمېټې ټولو غړو ته پوره ډاډ ورکړ.
