کابل ښوونې او روزنې پوهنتون کې د ١٤٠٤ کال لېسانس دورې د خزاني سمسټر وروستنی ازموینې پیل شوې!
شنبې ورځ د ١/٦/١٤٤٧ هـ ق چې له ١/۹/۱۴۰۴ ه.ش نېټې سره سمون لري د کابل ښوونې او روزنې پوهنتون کې د ١٤٠٤ کال لېسانس دورې د خزاني سمسټر وروستنی ازموینې په پوره شفافیت او ډاډ منه فضاء کې پیل شوې.
د کابل ښوونې او روزنې پوهنتون محصلانو چارو معاون ښاغلي مولوي رحمان ګل"وثیق" د بېلابېلو پوهنځیو د ازموینو له صحنې څخه له نیږدې لیدنه وکړه او د پوهنتون محصلینو ته یې ازموینو کې د شفافیت، امانتدارۍ، نظم او ډسپلین په اړه ډاډ ورکړ. همدارنګه یې ټولو استادانو ته د لوړو زده کړو وزارت او پوهنتون د اصولو او مقرراتو مطابق د ازموینو اخیستلو اړوند اړینې سپارښتنې وکړې چې د استادانو لخوا په ازموینو کې د پوره روڼتیا او شفافیت اطمینان ورکړل شو.
د یادولو وړ ده چې هره ورځ به په مختلفو ټایمونو کې د لېسانس دورې ازموینې د اصولو او مقرراتو مطابق د ازموینو کمېټې غړو تر نظارت لاندې په پوره روڼتیا او ډاډمنه فضاء کې واخیستل شي.
