کابل ښوونې او روزنې پوهنتون کې د محصلینو ترمنځ د "التسهیل الضروری لمسائل القدوری"فقهي کتاب د سیالۍ ازموينه ترسره شوه!
چهارشنبې ورځ د ٤/١/١٤٤٦ ه.ق چې له ٢٠/٤/١٤٠٣ ه.ش نېټې سره سمون لري د کابل ښوونې او روزنې پوهنتون د د اسلامي علومو پوهنځي لخوا د فرهنګي کمېټې او دعوت او ارشاد څانګې سره په همغږۍ د پوهنتون رئیس، معاونینو، د اسلامي علومو پوهنځي رئیس، دعوت او ارشاد څانګې آمر او د اسلامي علومو پوهنځي استادانو په ګډون د پوهنتون محصلینو څخه "التسهیل الضروری لمسائل القدوری"فقهي کتاب د سیالۍ ازموينه واخیستل شوه.
په پیل کې د پوهنتون رئیس ښاغلي شیخ الحدیث سید بشیر آغا"هاشمی" د یاد کتاب ارزښت اړوند ټولو ګډونکوونکو ته ارزښمندې خبرې وکړې، دې یادې ازموینې اخیستلو اړوند یې خوښي څرګنده کړه او د ازموینې له بهیر څخه د لیدنې په جریان کې د ازموینې په شفافیت او امانت دارۍ ټینګار وکړ.
وروسته، د اسلامي علومو پوهنځي مسؤولینو د یادې ازموینې اړوند وویل: د ازموینې هدف او موخه له یاد کتاب سره د محصلینو د ډېرې پېژندنې او آشنایۍ په پار ده، چې راتلونکې اوونۍ کې یې پایلې اعلانیږي او راتلونکي کې به نورې داسې ازموینې هم برابرې کړو.
ازموینه په پوره رونڼتیا سره پای ته ورسېده.
