کابل ښوونې او روزنې پوهنتون محصلینو ترمنځ د سیرت النبيﷺ د سیالۍ ازموينه ترسره شوه!
پنجشنبې ورځ د ۱۸/٣/۱۴۴۷ ه.ق چې له ٢٠/۶/۱۴۰۴ ه.ش نېټې سره سمون لري د کابل ښوونې او روزنې پوهنتون د اسلامي علومو پوهنځي لخوا د محصلانو چارو معاونیت سره په همغږۍ د محصلانو چارو معاون او د اسلامي علومو پوهنځي استادانو په ګډون د پوهنتون له محصلینو څخه د سیرت النبيﷺ د سیالۍ ازموينه واخیستل شوه.
په پیل کې، د محصلانو چارو مرستیال ښاغلي مولوي رحمان ګل "وثیق" د سیرت النبی ﷺاړوند ټولو ګډونوالو ته ارزښمندې خبرې وکړې او دې یادې ازموینې اخیستلو اړوند یې خوښي څرګنده کړه.
وروسته، د اسلامي علومو پوهنځي استاد ښاغلي نورالله"حنیف" د یادې ازموینې اړوند وویل: د ازموینې هدف او موخه مو د سیرت النبی ﷺسره د محصلینو د ډېرې پېژندنې او آشنایۍ په پار ده، چې راتلونکې اوونۍ کې یې پایلې اعلانیږي او راتلونکي کې به داسې نورې ازموینې هم برابرې کړو.
ازموینه په پوره رونټیا سره پای ته ورسېده.
