کابل ښوونې او روزنې پوهنتون محصلانو چارو معاونیت لخوا د ارواپوهنې پوهنځي محصلینو ته "د ارواپوهنې مهارتونه په دنده کې" ترسرلیک لاندې یو ورځنۍ علمي-ښوونیز سیمینار وړاندې شو!
سې شنبې ورځ د ۱۶/۳/۱۴۴۷ ه.ق چې له ۱۸/۶/١٤٠٤ ه.ش نېټې سره سمون لري د کابل ښوونې او روزنې پوهنتون محصلانو چارو معاونیت لخوا د ارواپوهنې پوهنځي محصلینو ته "د ارواپوهنې مهارتونه په دنده کې" ترسرلیک لاندې یو ورځنۍ علمي-ښوونیز سیمینار وړاندې شو.
سیمینار غونډه د قرآنکریم د څو مبارکو آیاتونو په تلاوت سره پیل شوه.
په پیل کې، د محصلانو د چارو معاون، مولوي رحمان گل وثیق مقدماتي وینا وکړه او د دې ډول علمي او مسلکي پروګرامونو د ارزښت په اړه یې خبرې وکړې.
وروسته، د سیمینار وړاندې کوونکي ښاغلي استاد پوهنیار اسفندیار"حسین" د هغو اروايي مهارتونو تشریح وکړه چې د ارواپوهنې پوهنځي فارغان یې په مسلکي چاپېریال کې اړتیا لري. همدارنګه یې په سیمینار کې د اغېزمنه اړیکه، د رواني فشارونو مدیریت، د پرېکړې کولو مهارتونه او د کاري شرایطو سره عیارېدنه موضوعات په علمي بڼه محصلینو ته تشریح کړل.
په پای کې د محصلینو سوالونو ته د ښاغلي استاد لخوا ځوابونه ورکړل شول.
سیمینار د دعایې په ویلو سره پای ته ورسېد.
