کابل ښوونې او روزنې پوهنتون مالي او اداري چارو معاونیت د کارکوونکو چارو آمریت لخوا نویو ګومارل شویو اداري کارمندانو ته د " اداري فساد او له هغه څخه د مخنیوي روشونو" ترسرلیک لاندې علمي سیمینار وړاندې شو!
پنجشنبې ورځ د ٢٤/٦/١٤٤٦ ه.ق چې له ٦/١٠/١٤٠٣ ه.ش نېټې سره سمون لري د کابل ښوونې او روزنې پوهنتون مالي او اداري چارو معاونیت د کارکوونکو چارو آمریت لخوا نویو ګومارل شویو اداري کارمندانو ته د "اداري فساد او له هغه څخه د مخنیوي روشونو" تر سرلیک لاندې علمي سیمینار وړاندې شو.
غونډه د قرآنکریم د څو مبارکو آیاتونو په تلاوت سره د محصلانو چارو مرستیال، کارکوونکو چارو آمریت مسؤولینو او اداري کارمندانو په ګډون پیل شوه.
لومړۍ، د کابل ښوونې او روزنې پوهنتون د محصلانو چارو مرستیال ښاغلي مولوي ګل رحمان"وثیق" په خپلو خبرو کې د کارکوونکو چارو آمریت څخه مننه وکړه چې یاد سیمینار یې دایر کړو او نویو ګومارل شویو کارمندانو ته یې اداري فساد څخه د ځان ساتنې او په دنیا او آخرت کې د اداري فساد ضررونو، په دندو کې د صداقت، ایماندارۍ او ریښتینولۍ اړوند اړینې سپارېښتنې وکړې.
یاد سیمینار د ښاغلي مدیر صاحب عبدالرشید "سامع" لخوا کارمندانو ته وړاندې شو.
